Lyndsey Maiden – Page 8

Festri Eglwys Llansadwrn

September 3, 2018 Lyndsey Maiden Comment

Llansadwrn Vestry Venture

Mae’r festri Eglwys Llansadwrn ar agor eto ar Ddydd Mawrth 11 mid medi, wn rhwng 2.00-5.00.

Y syniad yw i ddarparu’r cyfle lle gall pobl Llansadwrn gwrdd â’i gilydd yn anffurfiol, yn arbennig newydd ddyfodiaid sy ddim wedi cael y cyfle i gwrdd â phobl leol eto. Bydd dysgliad o de neu goffi ar gael, hefyd planhigion a llyfrau clawr papur i’w cyfnewid neu rannu, a lle diogel i blant bach chwarae.

Galwch mewn nawr ac yn y man, hyd yn oed am amser byr- byddwn ni’n gwerthfawrogi’ch presenoldeb yn fawr.

Ac os oes gyda chi syniadau sut gall y fenter hon ddatblygu ymhellach, byddai croeso i chi ddod a’u rhannu nhw hefyd. Dewch i mewn.

Reading Room, Sinema Sadwrn

Sinema Sadwrn – Paddington 2

August 21, 2018 Lyndsey Maiden Comment

Bydd Sinema Sadwrn yn mynd am dro i dafarn y Sexton Arms, Llansadwrn, ddydd Gwener 31 Awst am ein dangosiad i deuluoedd, Paddington 2.

Yn byw’n hapus gyda Mr Brown a’i deulu, mae Paddington yn aelod poblogaidd o’r gymuned sy’n lledu hwyl a sbri a marmalêd ble bynnag yr aiff. Un dydd, mae’n gweld llyfr arbennig mewn siop hen bethau – yr anrheg berffaith i’w fodryb ar ei phen-blwydd yn 100 oed. Pan fo’r llyfr yn cael ei ddwyn, mae Paddington yn mentro ar daith gyffrous i ddal y lleidr cyn dathliad mawr Aunt Lucy. Tystysgrif PG, 103 munud.

Cyn y brif ffilm, byddwn ni’n dangos y ffilm fer The Man Who Was Afraid of Falling, gyda diolch i’r animeiddiwr Joseph Wallace.

Bydd ein ffrindiau o Gardd Sadwrn yn darparu bwyd o 6pm. Bydd y ffilmiau’n dechrau am 6.30.

Bydd raffl ar y noson hefyd i godi arian i ras elusennol anhygoel Menna Evans o John O’Groats i Land’s End, ynghyd â gwobrau am y wisg ffansi orau ar thema Paddington.