Sinema Sadwrn – Paddington 2

Bydd Sinema Sadwrn yn mynd am dro i dafarn y Sexton Arms, Llansadwrn, ddydd Gwener 31 Awst am ein dangosiad i deuluoedd, Paddington 2.

Yn byw’n hapus gyda Mr Brown a’i deulu, mae Paddington yn aelod poblogaidd o’r gymuned sy’n lledu hwyl a sbri a marmalêd ble bynnag yr aiff. Un dydd, mae’n gweld llyfr arbennig mewn siop hen bethau – yr anrheg berffaith i’w fodryb ar ei phen-blwydd yn 100 oed. Pan fo’r llyfr yn cael ei ddwyn, mae Paddington yn mentro ar daith gyffrous i ddal y lleidr cyn dathliad mawr Aunt Lucy. Tystysgrif PG, 103 munud.

Cyn y brif ffilm, byddwn ni’n dangos y ffilm fer The Man Who Was Afraid of Falling, gyda diolch i’r animeiddiwr Joseph Wallace.

Bydd ein ffrindiau o Gardd Sadwrn yn darparu bwyd o 6pm. Bydd y ffilmiau’n dechrau am 6.30.

Bydd raffl ar y noson hefyd i godi arian i ras elusennol anhygoel Menna Evans o John O’Groats i Land’s End, ynghyd â gwobrau am y wisg ffansi orau ar thema Paddington.

Paddington bear supper

Leave a Comment

Your email address will not be published. Required fields are marked *