Reading Room – Llansadwrn

Community Field, Festri, Llansadwrn Community Garden / Garf Cymunedol Llansadwrn, Reading Room

Cynefin Llansadwrn

January 30, 2026 Lyndsey Maiden Comment

Yn ddiweddar, mae grŵp bach o bentrefwyr yn Llansadwrn, wedi neud cais am grant Perthyn grant ai ariennir gan Lywodraeth Cymru, sydd yn darparu cefnogaeth cyfnod cynnar lleol i gymunedau Cymreig yng ngogledd a gorllewin Cymru sydd â diddordeb mewn datblygu syniadau menter gymdeithasol.

Mae’r grwp wedi bod yn llwyddiannus, ac wedi derbyn grant i wneud gwaith ymchwil dwys yn ardal Llansadwrn a’i chyffiniau, yn gofyn cwestiynau fydd yn crynhoi gweledigaeth pentrefwyr lleol am faterion iaith, diwylliant, amgylchedd, ynni, trafnidiaeth ac asedau lleol – yr holl bethau sydd yn gwneud yr ardal yn ddymunol, neu’n annymunol i fyw ynddi.

Mi fydd y prosiect hefyd yn gofyn am syniadau a gweledigaethau pobol leol am ba fath o bethau hoffent ei weld yn cael ei ddatblygu yn yr ardal, dan arweiniad a pherchnogaeth menter gymdeithasol a chymunedol. Bydd y wybodaeth yma yn caniatáu i’r pentref amlygu prosiectau posib er budd cynaliadwyedd ein cymuned.

Mae’r Gymraeg yn ganolog i delerau’r grant, ac felly i’r gwaith ymchwil yma hefyd. Bydd y grant hefyd yn gallu ariannu’r gymuned i edrych ar ddatblygu endid cymunedol newydd (fel CIC neu CBS), all ddatblygu rhai o’r syniadau bydd yn deillio o’r gwaith ymchwil a’r ymgynghoriad cymunedol.

Bydd y grant yn cael ei gadw a’i ddosbarthu trwy fenter Cwmpas, ac mae yna dwy grwp ymgynghori yn datblygu’r gwaith ymchwil, sef Pobol Tir Môr ac Iaith.Cyf – y ddau yn brofiadol iawn yn cynnal gwaith ymchwil o’r fath ar draws cymunedau de-orllewin Cymru.

Bydd yr ymgynghoriad yn debygol o ddechrau diwedd Chwefror/dechrau Mawrth, gydag adroddiad cynhwysfawr wedi ei greu erbyn diwedd mis Mawrth/dechrau mis Ebrill. Bydd yr adroddiad wnaiff grynhoi eich lleisiau chi yn caniatáu i ni allu wedyn ceisio am grantiau mwy i weithredu rhai o’r syniadau cymunedol sy’n deillio o’r ymchwil.

Os ydych chi yn byw a bod yn ardal Llansadwrn a’i chyffiniau – rydym am glywed eich syniadau a theimladau chi am fyw yn y gymuned hon! Mi fydd yna amrywiaeth o ffyrdd y gallwch chi gymryd rhan ac ymroi syniadau i’r ymchwil hon, gan gynnwys diwrnod agored cymunedol yn Chwefror/Mawrth 2026. Bydd datblygiadau pellach yn cael ei hysbysebu trwy wefan Llansadwrn a’r dudalen Facebook cymunedol, Y Lloffwr, The Post.

Croeso i unrhywun sydd â diddordeb, eisiau ymuno â’r grwp llywio neu eisiau helpu neu gynnig unrhyw awgrymiadau neu syniadau, i gysylltu â Sioned Haf trwy e-bost (sionedhaf@hotmail.com) neu dros y ffôn: 07529901523

Reading Room, Sinema Sadwrn

Sinema Sadwrn – Paddington 2

August 21, 2018 Lyndsey Maiden Comment

Bydd Sinema Sadwrn yn mynd am dro i dafarn y Sexton Arms, Llansadwrn, ddydd Gwener 31 Awst am ein dangosiad i deuluoedd, Paddington 2.

Yn byw’n hapus gyda Mr Brown a’i deulu, mae Paddington yn aelod poblogaidd o’r gymuned sy’n lledu hwyl a sbri a marmalêd ble bynnag yr aiff. Un dydd, mae’n gweld llyfr arbennig mewn siop hen bethau – yr anrheg berffaith i’w fodryb ar ei phen-blwydd yn 100 oed. Pan fo’r llyfr yn cael ei ddwyn, mae Paddington yn mentro ar daith gyffrous i ddal y lleidr cyn dathliad mawr Aunt Lucy. Tystysgrif PG, 103 munud.

Cyn y brif ffilm, byddwn ni’n dangos y ffilm fer The Man Who Was Afraid of Falling, gyda diolch i’r animeiddiwr Joseph Wallace.

Bydd ein ffrindiau o Gardd Sadwrn yn darparu bwyd o 6pm. Bydd y ffilmiau’n dechrau am 6.30.

Bydd raffl ar y noson hefyd i godi arian i ras elusennol anhygoel Menna Evans o John O’Groats i Land’s End, ynghyd â gwobrau am y wisg ffansi orau ar thema Paddington.