Category Archives: Uncategorized @cy

Cyllid Lleol, Uncategorized @cy

Galwad Agored – Uno’ch Galwad Agored 

Comment

Oes gennych chi: 

• Syniad am brofiad bwyta cymunedol (neu ydych chi’n rhedeg un yn barod)? 

• Ydych chi eisiau dod â phobl at ei gilydd trwy goginio, bwyta a rhannu bwyd lleol er mwyn cefnogi cymunedau gwledig? 

• Ydych chi eisiau cefnogaeth i greu cyfleoedd cymdeithasol, llon sy’n ymwneud â bwyd yn eich ardal leol? 

Rydym yn gwahodd unigolion a sefydliadau yng Ngheredigion, Sir Benfro a Sir Gaerfyrddin i gymryd rhan mewn prosiect peilot newydd – i brofi pecyn cymorth creadigol ar ymgynghori cymunedol ac yna cael cymorth mentora wedi’i deilwra er mwyn sefydlu’r prosiect. Rydym ni’n awyddus i weld pa gymorth all eich helpu i ddechrau rhywbeth gwledig neu wella’r hyn rydych yn ei wneud ar hyn o bryd er mwyn cyrraedd ardaloedd gwledig. 

Y dyddiad cau ar gyfer mynegi diddordeb yw: 5yp Dydd Sul 25 Ionawr 

Cliciwch y ddolen ar waelod y ddogfen i fynegi eich diddordeb; Cysylltwch â Amie Andrews: ama108@aber.ac.uk

Neu cysylltwch â chydlynydd eich partneriaeth bwyd leol i gael help gyda’r cais neu i gysylltu â sefydliadau eraill: 

• Sir Gâr: Augusta Lewis augusta@farmgarden.org.uk

Uno’ch Cymuned Trwy Fwyd! / Bring Your Community Together Through Food!  – Fill out form

Bi-lingual-POSTER-Unoch-Cymuned-Trwy-Fwyd-Bring-Your-Community-Together-Through-Food-3Download
Uncategorized @cy

Mae Festri Venture yn croesawu pawb

Comment
  • If the weather is nice we go to the park
  • The Vestry Venture group outside in sunny Llansadwrn
    The Vestry Venture group outside in sunny Llansadwrn
  • Llansadwrn Vestry Venture
    Llansadwrn Vestry Venture
  • Busy Llansadwrn Vestry Venture
    Busy Llansadwrn Vestry Venture

 Mae’r festri Eglwys Llansadwrn nawr ar agor ar Ddydd Llun rhwng 3 –5  

Y syniad yw i ddarparu’r cyfle lle gall pobl Llansadwrn gwrdd â’i gilydd yn anffurfiol, yn arbennig newydd ddyfodiaid sy ddim wedi cael y cyfle i gwrdd â phobl leol eto.  

Bydd dysgliad o de neu goffi ar gael, hefyd planhigion a llyfrau clawr papur i’w cyfnewid neu rannu, a lle diogel i blant bach chwarae.  

Galwch mewn nawr ac yn y man, hyd yn oed am amser byr – byddwn ni’n gwerthfawrogi’ch presenoldeb yn fawr.   

Ac os oes gyda chi syniadau sut gall y fenter hon ddatblygu ymhellach,  byddai croeso i chi ddod  a’u rhannu nhw hefyd.                                                                                                   

DEWCH I MEWN!

Uncategorized @cy

Digwyddiadau plannu i wirfoddolwyr yng Nghoedwig Abermarlais, Brownhill.

Comment

Yn dilyn ein diweddariad ar 17 Ionawr, rwy’n cysylltu i roi gwybod i chi am y digwyddiadau plannu i wirfoddolwyr y byddwn yn eu cynnal ddiwedd mis Mawrth yng Nghoedwig Abermalais.

Bydd y digwyddiadau plannu yn gyfle i drigolion lleol ddod i blannu coeden a helpu i greu coetir newydd er cof am anwyliaid a gollwyd yn anffodus oherwydd Covid-19 ac adeiladu gofod cadwraeth gwerthfawr i’r gymuned.

Bydd pedair sesiwn blannu i gyd, y bydd Tir Coed yn eu cynnal ar ein rhan.

Bydd y sesiynau ar 18 a 25 Mawrth ar agor i’r cyhoedd.  Mae manylion am sut i gofrestru ynghlwm.

Mae’r sesiynau ar 22 a 23 Mawrth yn cael eu trefnu gydag ysgolion lleol a grwpiau addysgol.

Hoffem estyn gwahoddiad i chi ymuno â ni ar 23 Mawrth am tua 10.30 am, i blannu coeden yn y coetir newydd.

Bydd hwn yn ddigwyddiad anffurfiol lle bydd tîm CNC a rhanddeiliaid allweddol yn ymgasglu er mwyn cael cyfle i fod yn rhan o’r gwaith o greu’r coetir newydd. Rhowch wybod i mi os hoffech ymuno â ni a bydd gennym raw yn barod ar eich cyfer

Uncategorized @cy

Fideos codi ymwybyddiaeth / hyrwyddo – Cynghorwyr Cymuned a Thref

Comment

Annwyl Gadeirydd a Chlerc i’r Cyngor

Mae Un Llais Cymru – gyda chymorth Llywodraeth Cymru – wedi cyhoeddi fideo i hyrwyddo ac annog unigolion i gyflwyno eu henwau yn ymgeisyddion ar gyfer etholiadau cynghorau cymuned a thref a gynhelir ym mis Mai 2022. Mae’r fideo sydd ar gael  yn y Gymraeg a’r Saesneg yma:

Cymraeg  Hafan – One Voice Wales – Welsh (unllaiscymru.org.uk)

Saesneg  Home – One Voice Wales

Mae’r fideo yn:

·        Codi ymwybyddiaeth o rôl a chyfraniad cynghorwyr cymuned a thref i gymdeithas

·        Nodi sut mae cynghorwyr cymuned a thref mewn sefyllfa dda i wybod beth yw blaenoriaethau ac anghenion eu hardal leol a sut all cynghorau gydweithio gyda phartneriaid lleol i greu newid cadarnhaol

·        Nodi pwysigrwydd amrywiaeth mewn llywodraeth leol

·        Tynnu sylw at yr heriau y mae cynghorwyr yn eu hwynebu a’r gefnogaeth sydd ar gael iddynt e.e. trwy raglenni hyfforddiant a drefnir gan Un Llais Cymru

·        Amlinellu’r sgiliau, gwybodaeth a phrofiad y maent wedi’u meithrin trwy eu rôl a sut ellir eu defnyddio mewn agweddau eraill ar fywyd a gwaith, gorfod cyfarwyddo a deall nifer o faterion anghyfarwydd a chael gwell dealltwriaeth o sut mae democratiaeth leol yn gweithio

·        Cyfleu bod gan bawb sgiliau y gallent eu cynnig i rôl Cynghorydd o’u bywyd bob dydd e.e. trefnu, cyfathrebu, datrys problemau ac ati

Uncategorized @cy

Dyddiad cau cais Cynllun Setliad yr UE (30-Mehefin)

Comment

Rydym yn cysylltu â chi ar ran yr elusen Settled, i’ch gwneud yn ymwybodol o’r dyddiad cau ar 30 Mehefin ar gyfer ceisiadau i Gynllun Setliad yr UE. Mae’r e-bost hwn yn darparu gwybodaeth am y cynllun.

Mae’r e-bost hwn yn darparu mwy o wybodaeth am y cynllun. Byddem yn gwerthfawrogi pe gallech anfon yr e-bost hwn at eich cynghorwyr oherwydd efallai eu bod yn adnabod pobl a allai gael eu heffeithio. Efallai yr hoffech chi bostio peth o’r wybodaeth a ddarperir ar eich tudalen Facebook gymunedol hefyd os oes gennych chi un.

Sefydlwyd Cynllun Setliad yr UE o dan delerau  y cytundeb a wnaeth y DU wrth adael yr UE, mae’n berthnasol i ddinasyddion yr UE ac EFTA a ddaeth i’r DU cyn diwedd y cyfnod Pontio Brexit ar ddiwedd mis Rhagfyr 2020. Mae trefniadau tebyg yn berthnasol ar gyfer dinasyddion y DU sy’n byw ac yn gweithio ar gyfandir Ewrop.

Mae angen i drigolion yr UE ac EFTA yn y DU yr effeithir arnynt gan hyn wneud cais os ydynt yn dymuno cadw eu hawliau i fyw, gweithio ac astudio yn y DU. Nid yw rhai pobl yn ymwybodol bod hyn yn berthnasol iddynt, gan gynnwys hyd yn oed rhai cyn-filwyr oedrannus yr Ail Ryfel Byd a ddaeth i’r DU ymhell cyn i’r DU ymuno â’r UE. Yn ogystal, mae angen i blant rhai sy’n cyrraedd yn fwy diweddar, sydd wedi sicrhau hawliau i fyw a gweithio yn y DU, gael ceisiadau unigol ar eu rhan er mwyn sicrhau y byddant yn gallu cael mynediad at ofal iechyd ac addysg yn y dyfodol.

Mae fideo fer (3-4 munud o hyd) sy’n darparu trosolwg o Gynllun Setliad yr UE a rhai o’r materion dan sylw ar gael ar YouTube gan ddefnyddio’r dolenni a ddarperir waelod yr e-bost hwn:

• Saesneg: https://youtu.be/xtPNwozO0kw

• Cymraeg: https://youtu.be/7kNxiGBHwJ4

Gellir lawrlwytho copïau digidol o bosteri sy’n darparu gwybodaeth am y cynllun trwy glicio ar y delweddau isod neu ar y dolenni a ddarperir oddi tanynt. Gellir argraffu’r rhain i’w harddangos ar hysbysfyrddau cymunedol.