CYNGOR CYMUNED LLANSADWRN
Cofnodion cyfarfod Cyngor Cymuned Llansadwrn a gynhaliwyd yn yr Ystafell Ddarllen, Llansadwrn, Nos Fercher 7fed Medi, 2022.
Presennol:
Cadeirydd: Cynghorydd C. Jones
Cynghorwyr: T. Evans, L. Jones, J. Evans, C. Powell, C. Eady, L. Rowlands
Cynghorydd Sir A. Davies
Croesawodd y Cadeirydd bawb i’r cyfarfod ar ôl gwyliau’r haf.
1. Ymddiheuriadau
Pawb yn bresennol.
2. Cofnodion y cyfarfod blaenorol a materion nad oeddent wedi’u cynnwys ar yr Agenda
Derbyniwyd y cofnodion fel rhai cywir.
3. Datganiadau o Ddiddordeb
Cynghorydd T. Evans – Ystafell Ddarllen, Gardd Gymunedol Llansadwrn
Cynghorydd L. Rowlands – Cornwallis
4. Materion yn codi o’r cofnodion:
4.2 Ystafell Ddarllen Llansadwrn
Roedd y Diwrnod Agored yn llwyddiant mawr. Yr oedd trysorydd wedi ei benodi. Roedd arolwg rheoliadau tân wedi’i gynnal ac nid oedd unrhyw broblemau.
Cyffordd Brownhill
Trafodwyd hyn yn helaeth, a chytunwyd i drefnu cyfarfod safle gydag o bosibl aelod o Gyngor Sir Caerfyrddin i gael cyngor ynghylch pa waith y caniateir i ni ei ystyried. Byddai angen trafod rhan o’r gwaith gyda SWTRA. Os bydd cyfarfod safle cytunodd y Cynghorydd Sir, y Cynghorydd C. Jones a’r Cynghorydd C. Eady i fynychu.
Roedd coed yn mynd i gael eu plannu ger y gyffordd gan CNC, felly mae angen rhagor o wybodaeth hefyd os ydyn nhw am wneud unrhyw waith ar y gyffordd.
8 (1) Maes Chwarae Llansadwrn
Yn dilyn yr archwiliad gan Sutcliffe derbyniwyd dyfynbris o £2,370.60 ar gyfer y gwaith angenrheidiol. Roedd yn bwysig bod y gwaith hwn yn cael ei wneud cyn gynted â phosibl. Derbyniwyd dyfynbris ar gyfer giât newydd, hyn i’w drafod wrth benderfynu ar y praesept.
8 (iii) Gwefan
Byddai Lyndsey Maiden yn cael ei gwahodd i fynychu’r cyfarfod nesaf. Roedd y contract i fod i gael ei adnewyddu yn 2023, byddai angen 3 dyfynbris.
8 (2) Materion Priffyrdd
Roedd tyllau yn y ffordd yn parhau i fod yn broblem, byddai ail-wynebu’r ffordd ger Waun Clyn Da yn datrys y broblem, ond byddai cyllid bob amser yn broblem.
Blaenoriaethu Llwybrau Cyhoeddus
Adroddodd y Cynghorydd L. Rowlands fod y llwybrau troed mewn trefn dda. Byddai taflen yn cael ei chynhyrchu yn y dyfodol agos.
Dywedodd y Cynghorydd C. Jones fod byrddau arddangos ar gael yn rhai ardaloedd er mwyn hysbysebu llwybrau cyhoeddus.
8 (a) Gardd Gymunedol Llansadwrn
Roedd Cyfarfod Cyffredinol Blynyddol yn cael ei drefnu.
Ciosg Ffôn Coch
Cytunodd y Cynghorydd L. Rowlands i gael tri dyfynbris ar gyfer clirio’r ciosg. Trafodwyd a chytunwyd y gallai’r Ciosg Ffôn fod yn ganolfan wybodaeth.
8 (3) Dodrefn Cae Cymuned
Trafodwyd hyn ond dim penderfyniad. Roedd angen “rholio” y Cae Cymuned, y Clerc i gysylltu â Colin Darman.
8 (4) Cyfethol un aelod
Hysbysiad i’w osod yn Post Datum.
5. Gohebiaeth
(1) Bioamrywiaeth/system eco
(2) Cylchlythyr y Comisiwn
(3) Cyllid Rhwydweithiau Natur
(4) Grant Rhaglen Gydnerth CNC
(5) Grant Creu Coetir
(6) Bwletin Un Llais Cymru
(7) Hyfforddiant Cod Ymddygiad
(8) C2172 Cau Ffordd mewn Argyfwng
(9) Grant Cadwch Gymru’n Daclus
(10) LlCC – gwybodaeth am Gostau Byw
(11) Seremoni Cyhoeddi Eisteddfod Llanymddyfri
6. Adroddiadau
(a) Adroddiad gan y Cynghorydd Sir
(1) Cinio ysgol am ddim ar gyfer oedran meithrin
(2) Arolwg Cyngor Sir Caerfyrddin – perfformiad y Cyngor
(b) Adroddiad Cyswllt Cornwallis
Gan fod y Tŷ ar orlifdir, araf iawn oedd y cynnydd gyda materion i gael cyllid.
7. Cyllid
Taliadau
Dim
Rhoddion
Rhoddwyd £250.00 yn flynyddol tuag at gynnal a chadw mynwent Eglwys Llansadwrn. Oherwydd cynnydd mewn costau, gwirfoddolwyr, ayb derbyniwyd cais yn gofyn a fyddai modd i’r Cyngor Cymuned ystyried cynyddu eu rhodd. Y costau cynnal a chadw blynyddol yw £4,500.00. Cytunwyd i roi’r rhodd flynyddol o £250.00 ac efallai y byddai hyn yn cynyddu pan drafodir y gyllideb ym mis Tachwedd.
Derbyniwyd llythyr oddiwrth y Lloffwr a chytunwyd i roddi’r un swm ag a roddwyd yn flaenorol. Roedd hyn yn £30.00.
Praesept
Derbyniwyd taliad praesept mis Awst o £2,000.00.
Diweddariad archwilio
Ni dderbyniwyd unrhyw ddiweddariadau pellach gan Swyddfa Archwilio Cymru.
Ffurflenni IRP
Roedd y rhain wedi’u llofnodi ac adroddiad wedi’i anfon i swyddfa’r IRP.
(a) Llofnodi adroddiadau incwm a gwariant chwarterol/datganiadau banc
I’w arwyddo yng nghyfarfod mis Hydref
(b) Cyllidebau 2022/2023
Diweddarwyd yng nghyfarfod mis Tachwedd
(c) Pecyn Cymorth Cyllid a Llywodraethu
Anfon at y Cadeirydd ac yna ei anfon ymlaen at bawb.
8. Unrhyw fusnes arall
8 (5) Cyhoeddi Eisteddfod Llanymddyfri
Roedd gwybodaeth ynglŷn â’r seremoni gyhoeddi wedi’i hanfon at bawb. Cytunodd y Cynghorydd C. Jones i fod yn bresennol.
9. Dyddiad y cyfarfod nesaf
Cyfarfod nesaf i’w gynnal Nos Fercher 5ed Hydref, 2022.