CYNGOR CYMUNED LLANSADWRN
Cofnodion cyfarfod Cyngor Cymuned Llansadwrn a gynhaliwyd yn yr Ystafell Ddarllen, Llansadwrn, Nos Fercher 11eg Mai, 2022
Diolchodd y Cadeirydd newydd ei ethol, i’r cadeirydd a oedd yn gadael, y Cynghorydd C. Powell, am ei holl waith a’i gefnogaeth dros y tair blynedd diwethaf.
Llongyfarchwyd y Cynghorydd Sir A. Davies ar gael ei ail-ethol yn Gynghorydd Sir ardal Cilycwm.
Presennol:
Cadeirydd: Cynghorydd C. Jones
Cynghorwyr: C. Powell, L. Jones, C. Eady
Cynghorydd Sir A. Davies
1. Ymddiheuriadau
Cynghorydd T. Evans
2. Cofnodion y cyfarfod blaenorol a materion nad oeddent wedi’u cynnwys ar yr agenda.
Derbyniwyd y cofnodion fel rhai cywir.
3. Datganiad o Ddiddordeb
Dim.
4. Materion yn codi o’r cofnodion:
4.2 Ystafell Ddarllen Llansadwrn
Roedd digwyddiad yn cael ei gynnal yn yr Ystafell Ddarllen i gynnwys busnesau lleol. Etholwyd y Cynghorydd T. Evans yn Gadeirydd yr Ystafell Ddarllen.
Cyffordd Brownhill
Dim i’w adrodd.
8 (1) Cornel Chwarae Llansadwrn
Adroddodd y Cynghorydd C. Eady bod angen gwaith ar y See-so. Dylai’r Clerc fod wedi cysylltu â Mr H. Gwynne i dynnu unrhyw algâu ac ati o’r offer chwarae. Roedd disgwyl i’r Lle Chwarae gael ei archwilio ym mis Ebrill ac roedd y Clerc wedi cysylltu â Chyngor Sir Caerfyrddin ond ni chafwyd ateb.
8 (iii) Gwefan
Nid oedd Lyndsey Maiden yn gallu bod yn bresennol yn y cyfarfod heno ond roedd wedi e-bostio gwybodaeth/diweddariadau ynglŷn â’r wefan, copïau i’w hanfon at bawb. Byddai hyn yn cael ei drafod yn y cyfarfod nesaf.
8 (2) Materion priffyrdd
Roedd y tyllau yn Waun Clyn Da yn fater parhaus, cytunodd y Cynghorydd Sir i wneud ymholiadau pellach.
Blaenoriaethu Llwybrau Cyhoeddus
Bydd hyn yn cael ei drafod yng nghyfarfod mis Gorffennaf. Roedd Mr Lyn Rowlands wedi derbyn copi o’r Map Diffiniol a hefyd roedd y Map Llwybrau a baratowyd yn arbennig yn yr Ystafell Ddarllen bellach wedi’i ddarganfod.
8 (a) Gardd Gymunedol Llansadwrn
Dim i’w adrodd.
8 (d) Goleuni ar gyfer y Cae Cymuned
Derbyniwyd dyfynbris o £875.12 ynghyd â T.A.W. oddi wrth Cyngor Sir Caerfyrddin, byddai angen i’r cyngor cymuned gynnal ymgynghoriad gyda’r holl eiddo o fewn dalgylch y cae. Trafodwyd hyn a chytunwyd i beidio â bwrw ymlaen.
Dathliadau Jiwbilî
Adroddodd y Cynghorydd C. Eady y canlynol:
Byddai’r digwyddiad rhwng 12.00 a 5.00 p.m. Roedd rhodd o £150.00 wedi ei addo gan Bwyllgor y Sioe, byddai hwn yn cael ei ddefnyddio i dalu am fedalau chwaraeon ac ati. Roedd bathodynnau’r Jiwbilî wedi cyrraedd. Roedd Mr A. Hodge yn paratoi posteri. Roedd castell bownsio wedi’i archebu gyda’u Atebolrwydd Cyhoeddus eu hunain, roedd Cliff yn agor y Sextons am 12.00, roedd helfa drysor yn cael ei threfnu. Roedd bagiau parti a dylunio coron yn cael eu trefnu. Pawb i ddod â’u bwyd eu hunain. Rhoddodd y Clerc y wybodaeth ynglŷn â rheolau Yswiriant, ayb, i’r trefnydd. Roedd byrddau a chadeiriau ar gael o’r Pafiliwn.
Diolchwyd i’r Cynghorydd C. Eady am ei holl waith.
Y Clerc i ofyn i Colin Darman dorri gwair y Cae Cymunedol cyn y digwyddiad.
Ciosg Ffôn Coch
Bydd hyn yn cael ei drafod yng nghyfarfod mis Gorffennaf.
5. Gohebiaeth
(1) Dathlu Cymru Wledig
(2) Cylchlythyr newid hinsawdd
(3) Creu coetir
(4) Cau Ffordd C2169
(5) Tocynnau Rali CFFI yn rhad ac am ddim
(6) Archwilio Cymru – Mae angen eich barn arnom
(7) Mannau Lleol i Natur
6. Adroddiadau
(a) Adroddiad gan y Cynghorydd Sir
Diolchodd y Cynghorydd Sir i bawb am y gefnogaeth a’r croeso a gafodd gan bawb yn yr ardal.
(b) Adroddiad Cyswllt Cornwallis
Yn absennol o’r cyfarfod.
7. Materion Ariannol
Taliadau
Bathodynnau Jiwbilî – £77.19
Rhodd o’r sioe i brynu eitemau ar gyfer y Jiwbilî – £150.00
Rhoddion
Clwb Criced Llanwrda – £50.00
Diweddariad archwilio
Byddai’r archwiliad yn cael ei lofnodi yn y cyfarfod nesaf, nid oedd y datganiadau banc wedi cyrraedd mewn pryd i baratoi’r archwiliad.
Copi o Gontract Cyflog Clerc i’w anfon at bawb.
(a) Llofnodi adroddiadau incwm a gwariant chwarterol/datganiadau banc
Y rhain i’w harwyddo yng nghyfarfod mis Mai.
(b) Cyllid – 2022/2023
Bydd y rhain yn cael eu diweddaru yng nghyfarfod mis Tachwedd.
Llofnod Banc
Roedd y Clerc eisoes wedi llenwi ffurflenni Mandad ond ni dderbyniwyd unrhyw wybodaeth. Mandad pellach i’w gwblhau a’i anfon at NatWest.
8. Unrhyw fusnes arall
(3) Dodrefn Cae Cymuned
Y posibilrwydd o osod celfi ar y Cae Cymuned a defnyddio’r dodrefn o’r Pafiliwn, cytunwyd i’w drafod ymhellach yn y cyfarfod nesaf.
(4) Cyfethol tri aelod
Y Clerc i gael hysbysiadau cyfethol gan Gyngor Sir Caerfyrddin.
9. Dyddiad y cyfarfod nesaf
Cyfarfod nesaf i’w gynnal Nos Fercher, Mehefin 1af, 2022.